वीरगञ्ज, पर्सा।
वीरगञ्ज महानगरपालिका–३ स्थित सूर्योदय सेकेन्डरी स्कुल प्रा.लि.मा इन्भेस्टिच्युर सेरेमोनी तथा वार्षिक पुरस्कार वितरण कार्यक्रम भव्य रूपमा सम्पन्न भएको छ।
कार्यक्रममा विद्यार्थी परिषद्का नवनिर्वाचित पदाधिकारीलाई पद तथा जिम्मेवारी हस्तान्तरण गरिएको थियो। साथै वार्षिक परीक्षामा नर्सरीदेखि कक्षा ९ सम्म प्रथम, द्वितीय र तृतीय स्थान हासिल गर्ने विद्यार्थीलाई मेडल तथा प्रमाणपत्र प्रदान गरी सम्मान गरिएको विद्यालयले जनाएको छ।
कार्यक्रममा PABSON वीरगञ्ज महानगर अध्यक्ष राहुल श्रीवास्तव, PABSON का सल्लाहकार तथा HISSAN का उपाध्यक्ष आलोक कुमार चौरसिया, युरो किड्सका सञ्चालक राजेश राणा, ब्युटिसियन एक्सपर्ट सम्झना गुरुङ, हिन्दू पत्रकार महासङ्घका अध्यक्ष राजन रौनियार, अग्निपथ मिडियाका सञ्चालक संजय कुशवाहा लगायतको उपस्थिति रहेको थियो।
वक्ताहरूले विद्यार्थी जीवनमा नेतृत्व, अनुशासन, सेवाभाव, सकारात्मक सोच तथा निरन्तर अध्ययनको महत्वबारे प्रकाश पार्दै नवनिर्वाचित विद्यार्थी नेताहरूलाई जिम्मेवारी इमानदारीपूर्वक निर्वाह गर्न आग्रह गरेका थिए।
विद्यालयका प्रिन्सिपल स्वीकार यादवले असफलतालाई सिकाइको अवसरका रूपमा लिनुपर्ने बताउँदै विद्यार्थीलाई निरन्तर प्रयास गर्न प्रेरित गरिन्। समापन मन्तव्यमा डाइरेक्टर विराज यादवले अभिभावक, शिक्षक तथा विद्यार्थीप्रति आभार व्यक्त गर्दै विद्यालयले गुणस्तरीय शिक्षा, नैतिक मूल्य र नेतृत्व विकासलाई प्राथमिकतामा राख्ने प्रतिबद्धता दोहोर्याए।
नेतृत्व, सम्मान र प्रेरणाको सन्देश बोकेको उक्त कार्यक्रमले विद्यार्थीमा आत्मविश्वास अभिवृद्धि गर्दै भविष्यका सक्षम र जिम्मेवार नागरिक निर्माणप्रति विद्यालयको प्रतिबद्धता झल्काएको आयोजकले जनाएको छ।
Discussion about this post