२५ कार्तिक वीरगंज । आज आशा चतुर्बेदी ज्यूको आर्थिक सहयोगमा तथा वडा अध्यक्ष श्री आशुतोष चतुर्बेदी ज्यूको विशेष उपस्थितिमा श्री नेपाल राष्ट्रिय रामाज्ञा चतुर्बेदी आधारभूत विद्यालयमा अध्ययनरत गरीब, विपन्न तथा जेहेन्दार विद्यार्थीहरूलाई स्कुल ब्याग र शैक्षिक सामग्री वितरण गरिएको छ।
कार्यक्रमको क्रममा विद्यार्थीहरूलाई अध्ययनमा थप उत्साहित बनाउने उद्देश्यका साथ उक्त सहयोग प्रदान गरिएको विद्यालयका शिक्षकहरूले बताएका छन्। स्थानीय अभिभावक र विद्यार्थीहरूले पनि यस्तो सहयोगले शिक्षामा पहुँच र प्रेरणा दुवै बढाउने विश्वास व्यक्त गरेका छन्।
कार्यक्रममा वडा अध्यक्ष आशुतोष चतुर्बेदीले विद्यार्थीहरूलाई मेहनतपूर्वक अध्ययन गरी उज्ज्वल भविष्य निर्माण गर्न प्रेरित गर्दै निरन्तर साथ र सहयोग गर्ने प्रतिबद्धता व्यक्त गर्नुभयो।
Discussion about this post