रक्सौल, २९ असोज।
भारत–नेपाल सीमास्थित एकीकृत जाँच चौकी (आईसीपी) रक्सौलमा बुधबार जिल्लास्तरीय संयुक्त समन्वय समिति (डिसिसीसी) बैठक सम्पन्न भएको छ।
बैठकमा भारतको सीमा सुरक्षा बल (एसएसबी) का महानिरीक्षक नशीथ कुमार उज्जवलको उपस्थितिसहित दुबै देशका प्रशासनिक तथा सुरक्षाका वरिष्ठ अधिकारीहरूको सहभागिता रहेको थियो।
बैठकमा सीमा क्षेत्रमा खटिएका सुरक्षाकर्मीहरूलाई आवतजावत गर्ने व्यक्तिहरूको पहिचान कडाइका साथ जाँच गर्न निर्देशन दिइएको छ। साथै, बिहारमा हुन लागेको विधान सभा चुनाव, सीमा क्षेत्रमा बढ्दो तस्करी नियन्त्रण र सीमावर्ती सुरक्षाका विषयमा गम्भीर छलफल गरिएको बैठकमा सहभागी अधिकारीहरूले जनाएका छन्।
बैठकबाट दुई देशबीचको समन्वय अझ सुदृढ बनाउने र सीमा सुरक्षालाई थप प्रभावकारी बनाउने प्रतिबद्धता व्यक्त गरिएको छ।
Discussion about this post