इजरायल र लेबनानबीच झन्डै एक महिनादेखि जारी संघर्षपछि १० दिनका लागि युद्धविराम लागू भएको छ।
युद्धविरामपछि दक्षिणी लेबनानमा विस्थापित भएका हजारौँ नागरिकहरू आफ्नो घर फर्किन थालेका छन्। लामो समयपछि शान्ति फर्किएको अनुभूति गर्दै कतिपय स्थानमा स्थानीयले उत्सवजस्तै वातावरणमा स्वागत गरेका छन्।
अमेरिकी पहलमा भएको यो सहमति प्रारम्भिक रूपमा १० दिनका लागि लागू गरिएको हो, जसलाई आवश्यक परे थप विस्तार गर्न सकिने बताइएको छ।
इजरायलका प्रधानमन्त्री बेन्जामिन नेतान्याहुले यसलाई शान्तिको अवसर भनेका छन् भने लेबनानका राष्ट्रपति जोसेफ खलील औनले पनि सकारात्मक प्रतिक्रिया दिएका छन्।
यता, हिजबुल्लाहले युद्धविराम स्वीकार गर्ने संकेत गरे पनि आक्रमण पूर्ण रूपमा रोक्नुपर्ने र इजरायली सेना फिर्ता हुनुपर्ने माग अघि सारेको छ। इजरायलले भने दक्षिणी लेबनानमा सुरक्षा क्षेत्र कायम राख्ने बताएको छ, जसले भविष्यमा तनाव पुनः बढ्न सक्ने आशंका कायमै छ।
Discussion about this post