रोल्पा जिल्लाको थवाङमा शनिबार बेलुका ट्याक्टर दुर्घटना हुँदा चालकको घटनास्थलमै मृत्यु भएको छ।
थवाङ गाउँपालिका–१ रिखोलामा झकेवाङबाट थवाङ बजारतर्फ जाँदै गरेको रा १ त ३८३४ नम्बरको पानी बोक्ने ट्याक्टर अनियन्त्रित भई सडकबाट करिब ५० मिटर तल खसेको प्रहरीले जनाएको छ।
दुर्घटनामा चालक सामिल बिक, दाङको घोराही उपमहानगरपालिका–४ भागरे निवासी २१ वर्षीय युवकको घटनास्थलमै मृत्यु भएको प्रहरीले जनाएको छ। ट्याक्टरमा सवार अन्य दुई जनामध्ये एक जना भने सकुशल रहेको बताइएको छ।
घटनाको जानकारी पाएलगत्तै प्रहरीको टोली उद्धारका लागि घटनास्थलमा खटिएको थियो। मृतकको शव घटनास्थलमै रहेको र घटनाबारे थप अनुसन्धान भइरहेको प्रहरीले जनाएको छ।
Discussion about this post