नेपाल आयल निगमले अब खाना पकाउने एलपी ग्यास आधा सिलिन्डर मात्र बिक्री गर्ने निर्णय गरेको छ। निगमका अनुसार अब सिलिन्डरमा ७.१ किलो ग्यास भरी प्रति सिलिन्डर ९ सय ५५ रुपैयाँमा वितरण गरिनेछ।
निगमले मागअनुसार ग्यास आयात र वितरण भइरहेको बताए पनि पछिल्ला दुई–तीन महिनादेखि ग्यासको माग अस्वाभाविक रूपमा बढेको जनाएको छ। मध्यपूर्व क्षेत्रमा जारी युद्धका कारण पेट्रोलियम पदार्थ र एलपी ग्यासको विश्वव्यापी आपूर्तिमा असर परेकाले यस्तो व्यवस्था गरिएको निगमको भनाइ छ।
निगमले उपभोक्तालाई आवश्यक परिमाणमा मात्र ग्यास खरिद गर्न, अनावश्यक भण्डारण नगर्न र सम्भव भएसम्म ग्यासको सट्टा बिजुली प्रयोग बढाउन आग्रह गरेको छ। साथै मासिक एक सिलिन्डर खपत हुने अवस्थामा थप सिलिन्डर नभराउन पनि उपभोक्तालाई अनुरोध गरिएको छ।
Discussion about this post