१५ असोज मकवानपुर । मकवानपुरको चुरियामाईमा बस दुर्घटना, बाइकमा सवार २ को मृत्यु, दर्जनौं घाइते ।
मकवानपुरको चुरियामाई क्षेत्रमा आज बिहान यात्रुवाहक बस दुर्घटना हुँदा ठूलो मानवीय क्षति भएको छ । दुर्घटनामा मोटरसाइकलमा सवार दुई जनाको घटनास्थलमै मृत्यु भएको छ भने बसमा सवार दर्जनौं यात्री घाइते भएका छन् ।
प्रहरीका अनुसार काठमाडौँबाट हेटौँडा तर्फ जाँदै गरेको यात्रुवाहक बस चुरियामाई मोडमा अनियन्त्रित भई मोटरसाइकलसँग ठोक्किँदा दुर्घटना भएको हो । मृतकको परिचय खुल्न बाँकी रहेको छ भने घाइते यात्रुहरूलाई उपचारका लागि हेटौँडा अस्पताल पुर्याइएको छ ।
दुर्घटनापछि सडक केही समय अवरुद्ध भएको थियो भने हाल यातायात सुचारु गरिएको प्रहरीले जनाएको छ । घटनाबारे थप अनुसन्धान भइरहेको छ ।
Discussion about this post