राष्ट्रिय सभा निर्वाचनका लागि निर्वाचन आयोगले सातै प्रदेशका प्रदेशगत मतभार तयार पारेको छ। आगामी माघ ११ गते हुने निर्वाचनमा प्रदेशसभा सदस्य, नगर/गाउँपालिकाका प्रमुख–उपप्रमुख र अध्यक्ष–उपाध्यक्ष मतदाता रहनेछन्।
निर्वाचन प्रणालीअनुसार प्रदेशसभा सदस्यको मतभार ५३ र स्थानीय तहका प्रमुख तथा उपप्रमुखको मतभार १९ तोकिएको छ। प्रदेशमा रहेका प्रदेशसभा सदस्य र स्थानीय तहका प्रतिनिधि संख्या अनुसार प्रदेशगत मतभार तयार पारिएको हो।
निर्वाचन आयोगले तयार पारेको मतभार अनुसार:
• कोशी प्रदेश: १०,१३५
• मधेश प्रदेश: १०,८३९
• बागमती प्रदेश: १०,३५२
• गण्डकी प्रदेश: ६,४१०
• लुम्बिनी प्रदेश: ८,७५३
• कर्णाली प्रदेश: ५,१२२
• सुदूरपश्चिम प्रदेश: ६,१५३
राष्ट्रिय सभा सदस्यको रिक्त १९ पदमध्ये १८ पदका लागि चुनाव हुनेछ। कोशी प्रदेशबाट ३ जना, मधेश प्रदेशबाट ४ जना, बागमती र गण्डकीबाट २/२ जना, लुम्बिनीबाट ३ जना र कर्णाली तथा सुदूरपश्चिमबाट २/२ जना सदस्य निर्वाचन हुनेछन्।
निर्वाचनका लागि मतदानस्थल र मतदान केन्द्र पनि तोकिएको छ। प्रत्येक प्रदेशको राजधानीमा मतदानस्थल रहने व्यवस्था गरिएको छ, जसमा दुई–दुई मतदान केन्द्र स्थापना गरिएको छ।
• ‘क’ केन्द्र: प्रदेशसभा सदस्यका लागि
• ‘ख’ केन्द्र: गाउँ/नगरपालिकाका अध्यक्ष–उपाध्यक्ष र प्रमुख–उपप्रमुखका लागि
प्रदेशगत मतदानस्थल:
• कोशी: प्रदेश निर्वाचन कार्यालय, विराटनगर, मोरङ
• मधेश: महेन्द्र नारायण निधि मिथिला संस्कृति केन्द्र, जनकपुर–४, धनुषा
• बागमती: भुटनदेवी माध्यमिक विद्यालय, हेटौँडा उपमहानगरपालिका–४, मकवानपुर
• गण्डकी: प्रदेश निर्वाचन कार्यालय, पोखरा, कास्की
• लुम्बिनी: कर्मचारी मिलन केन्द्र, घोराही, दाङ
• कर्णाली: प्रदेश निर्वाचन कार्यालय, वीरेन्द्रनगर, सुर्खेत
• सुदूरपश्चिम: प्रदेश निर्वाचन कार्यालय, धनगढी, कैलाली
निर्वाचन आयोगले मतभार, मतदानस्थल र मतदान केन्द्र तय गर्दै निर्वाचनको तयारी पूरा गरेको जनाएको छ।
Discussion about this post