साउदी ।
साउदी अरब – मक्काबाट मदिना जाँदै गरिएको एक यात्रुबाहक बस डिजेल ट्याङ्करसँग ठोक्किँदा भीषण आगलागी हुँदा ४२ भारतीय यात्रुको मृत्यु भएको छ। मृत्यु हुनेमध्ये २० जना महिला र ११ जना बालबालिका रहेको पुष्टि गरिएको छ। अन्य यात्रु घाइते भएका छन्, जसको स्थानीय अस्पतालमा उपचार भइरहेको छ।
उक्त बसका अधिकांश यात्रु हैदराबादबाट उमरा (धार्मिक तीर्थयात्रा)का लागि साउदी अरब पुगेका थिए। दुर्घटनापछि बसमा आगो छिट्टै फैलिन पुगेको र धेरै यात्रु escape गर्न नपाएको प्रारम्भिक रिपोर्टहरूले जनाएका छन्।
स्थानीय सुरक्षाकर्मी र दमकल टोलीले आगो नियन्त्रणमा ल्याएर उद्धार कार्य सम्पन्न गरे पनि क्षति अत्यन्तै भयावह रहेको अधिकारीहरूले बताएका छन्। दुर्घटनाको कारणबारे थप अनुसन्धान भइरहेको छ।
Discussion about this post