२२ कार्तिक जनकपुरधाम । नेकपा माओवादी केन्द्रका मधेस प्रदेश सांसद रहबर अन्सारीले आजको प्रदेश सभा बैठकमा आफैंको अनुहारमा मोसो दलेका छन्।
मुख्यमन्त्री जितेन्द्र सोनाले विश्वासको मत लिइरहेको बेला अन्त्यतिर बोल्ने क्रममा सभामुख रामचन्द्र मण्डलले समय सकिएको भन्दै माइक बन्द गरेपछि सांसद अन्सारीले आत्मालोचना स्वरूप अनुहारमा मोसो दलेका हुन्।
उनले प्रदेशका सांसदहरू र दलहरूको नैतिक धरातल खस्किएको आरोप लगाउँदै सम्पूर्ण सांसदहरूलाई पनि आफ्नो अनुहारमा मोसो दल्न आग्रह गरे।
अन्सारीले भने, “हाम्रो नैतिकता मरेको छ, जनता निराश छन्, अब आत्मालोचना गर्नुपर्ने बेला आएको छ।”
उनको यस्तो कदमले सदनमा उपस्थित सांसदहरू आश्चर्यचकित बनेका थिए भने केही सांसदले उनको कदमलाई राजनीतिक सन्देशका रूपमा लिएका छन्।
Discussion about this post