१४ कार्तिक वीरगञ्ज, पर्सा । पर्सा जिल्लाका युवाहरूले आज नेपालका शिक्षा, विज्ञान तथा प्रविधि मन्त्री महाबीर पुनसँग भेटघाट गरी शिक्षासम्बन्धी विभिन्न विषयमा विस्तृत छलफल गरेका छन्।
भेटका क्रममा युवाहरूले मधेश प्रदेशको शैक्षिक अवस्था सुधार, अनुसन्धान तथा विकास (Research & Development) केन्द्रहरूको स्थापना, पुस्तकालय व्यवस्थापन सुदृढीकरण लगायतका विषयमा ध्यानाकर्षण गराएका छन्। साथै, देशभरको शिक्षा प्रणालीमा देखिएका समस्या र चुनौतीहरूबारे पनि गम्भीर रूपमा छलफल गरिएको थियो।
युवाहरूले मन्त्री पुनलाई आफ्ना माग र सुझावहरू समेटिएको विशेष ज्ञापनपत्र बुझाउँदै आवश्यक नीतिगत पहलका लागि आग्रह गरेका छन्।
मन्त्रीज्यूले युवाहरूको कुरा ध्यानपूर्वक सुन्नुहुँदै आगामी दिनमा सरकारले उनीहरूको मागका विषयमा आवश्यक पहल गर्ने आश्वासन दिनुभएको छ।
यस भेटघाटले पर्सा मात्र नभई सम्पूर्ण देशको शिक्षा क्षेत्रमा सकारात्मक परिवर्तन आउने आशाको सन्देश दिएको युवाहरूको विश्वास छ।
Discussion about this post