असोज ३० जनकपुरधाम । मधेस प्रदेशका मुख्यमन्त्री सरोज कुमार यादव (सोनल) सहित जनमत पार्टीका महेश प्रसाद यादव र नेकपा (एकीकृत समाजवादी) का कनिश पटेलले आज बिना विभागीय मन्त्रीको रुपमा शपथ ग्रहण गरेका छन्।
प्रदेश प्रमुख हरिशंकर मिश्रसमक्ष आयोजित एक समारोहमा मुख्यमन्त्री सोनल, यादव र पटेलले पद तथा गोपनीयताको शपथ लिए। यी तीनैजना मन्त्रीहरूलाई हाललाई कुनै मन्त्रालयको जिम्मेवारी नदिइएको प्रदेश सरकार स्रोतले जनाएको छ।
महेश यादव जनमत पार्टीबाट आएका हुन् भने कनिश पटेल नेकपा (एस) प्रतिनिधित्व गर्दै मन्त्री बनेका हुन्। दुबै नेताहरूको समावेशसँगै सरकार विस्तारको प्रक्रिया थप तीव्र भएको छ।
यस शपथ ग्रहणसँगै मधेस प्रदेश सरकारमा सत्ता सन्तुलन मिलाउने र आगामी बजेट तथा नीति कार्यक्रम कार्यान्वयनमा स्थिरता ल्याउने प्रयास भएको बुझिएको छ।
Discussion about this post