वीरगंज महानगरपालिका वडा नं. ८ को नवनिर्मित कार्यालय भवन आज उद्घाटन गरिएको छ। महानगर प्रमुख राजेशमान सिंहले कार्यक्रमबीच भवन उद्घाटन गर्नुभएको हो।
महानगरपालिकाले आर्थिक वर्ष २०७९/८० मा टेण्डर आह्वान गरी निर्माण प्रक्रिया सुरु गरेको उक्त भवन एसडी कन्स्ट्रक्सनले करिब ७९ लाख रुपैयाँ लागतमा निर्माण सम्पन्न गरेको हो। दुई तले सुविधासम्पन्न भवन निर्माण भएसँगै वडा कार्यालयले आफ्नै संरचनाबाट सेवा प्रवाह सुरु गरेको छ।
यसअघि विद्यालयको कोठाबाट सेवा दिइँदै आएकाले सेवाग्राहीले विभिन्न कठिनाइ भोग्नुपरेको थियो। नयाँ भवन सञ्चालनमा आएपछि सेवा अझ छिटो, व्यवस्थित र प्रभावकारी हुने विश्वास गरिएको छ।
कार्यक्रममा महानगरका प्रमुख प्रशासकीय अधिकृत अरविन्द लाल कर्णसहित जनप्रतिनिधि, स्थानीयवासी तथा सरोकारवालाको सहभागिता रहेको थियो।
Discussion about this post