वीरगंजस्थित बिरगंज तेक्वान्दो डोजाङमा बेल्ट ग्रेडिङ परीक्षा सफलतापूर्वक सम्पन्न भएको छ। प्रमुख महमद साकिल र अन्तर्राष्ट्रिय खेलाडी महमद वेशको नेतृत्वमा आयोजित कार्यक्रममा विद्यार्थीहरूले आफ्नो तेक्वान्दो सीप प्रदर्शन गरेका थिए।
कार्यक्रममा प्रशिक्षक मन्सुर महमद, राजेन्द्र खड्गी, बिक्रान्त डंगोलसहित अन्तर्राष्ट्रिय खेलाडी अफताब आलम, सन्तोष रौनियार, प्रथम बर्नवाल र अन्य खेलाडीको उपस्थिति रहेको थियो। सहभागी विद्यार्थीहरूले किक, पुम्से, आत्मरक्षा र आधारभूत प्रविधि प्रदर्शन गरे।
प्रशिक्षकहरूले विद्यार्थीहरूको अनुशासन र प्राविधिक दक्षताको आधारमा मूल्याङ्कन गरे। आयोजकहरूले कार्यक्रम सफल बनाउन सहयोग गर्ने सबैलाई धन्यवाद व्यक्त गर्दै यस्ता कार्यक्रमले विद्यार्थीमा अनुशासन, आत्मविश्वास र शारीरिक विकासमा सकारात्मक प्रभाव पार्ने विश्वास व्यक्त गरेका छन्।
Discussion about this post