सन् २०२५ मा नेपालमा भएका केही घटनाले देशभित्र मात्र होइन, अन्तर्राष्ट्रियस्तरमा समेत व्यापक चर्चा पाए। तीमध्ये सबैभन्दा उल्लेखनीय घटना ‘जेनजी’ अर्थात् नवयुवा आन्दोलन रह्यो।
सामाजिक सञ्जालमाथि सरकारको प्रतिबन्धपछि शुरू भएको आन्दोलन क्रमशः भ्रष्टाचारविरोध, पारदर्शिता र राजनीतिक जवाफदेहिताका मुद्दासम्म विस्तार भयो। आन्दोलन हिंसात्मक बन्दै जाँदा तत्कालीन प्रधानमन्त्री केपी शर्मा ओलीले राजीनामा दिनुपर्योर भने सुशीला कार्की अन्तरिम प्रधानमन्त्री नियुक्त भइन्। आन्दोलनका क्रममा कम्तीमा ७६ जनाको ज्यान गएको घटनाले विश्व समुदायको ध्यान नेपालतर्फ खिच्यो।
राजनीतिक अस्थिरताको यही परिवेशमा नेपाल प्रिमियर लिग (एनपीएल) ले भने देशलाई सकारात्मक सन्देश दिन सफल भयो। एनपीएलले राष्ट्रिय एकताको भावना जगाउनुका साथै नेपाली क्रिकेटलाई अन्तर्राष्ट्रिय पहिचान दिलायो। विदेशी सञ्चारमाध्यम र अन्तर्राष्ट्रिय खेलकुद व्यक्तित्वबाट प्राप्त प्रशंसाले नेपालको छवि विश्वमा उजिल्याउन मद्दत पुग्यो।
यसै वर्ष हमासको नियन्त्रणमा रहेका नेपाली विद्यार्थी विपीन जोशीको मृत्यु पुष्टि हुनु पनि अन्तर्राष्ट्रिय समाचार बन्यो। उनको रिहाइका लागि परिवारले गरेका कूटनीतिक प्रयास र अन्ततः शव स्वदेश फर्किनुले विश्व मिडियाको ध्यान तानेको थियो।
यी घटनाले सन् २०२५ लाई नेपालका लागि राजनीतिक, सामाजिक र अन्तर्राष्ट्रिय दृष्टिले विशेष महत्त्व बोकेको वर्षका रूपमा स्थापित गराएको छ।
Discussion about this post