०१ पुष सर्लाही। राष्ट्रिय लोक सञ्चारकर्मी नेपालले मधेश प्रदेश समिति गठन गरेको छ। मधेश प्रदेशका आठवटै जिल्लाका सञ्चारकर्मीहरूको भेलाबाट क्षितिज विश्वकर्माको अध्यक्षतामा १७ सदस्यीय कार्यसमिति सर्वसम्मत रूपमा गठन गरिएको हो।
उद्योग वाणिज्य संघ सर्लाहीको सभाहल, लालबन्दीमा आयोजित कार्यक्रममा राष्ट्रिय लोक सञ्चारकर्मी नेपालको केन्द्रीय कार्यसमितिकी महिला विभाग प्रमुख सबिता पोखरेलको संयोजकत्व तथा प्रमुख आतिथ्यता र सहसंयोजक विनिता क्षेत्रीको विशिष्ट आतिथ्यतामा समिति गठन सम्पन्न भएको हो।
नवगठित कार्यसमितिमा वरिष्ठ उपाध्यक्षमा रमेश खत्री, उपाध्यक्षमा सुशीला पोखरेल चौलागाईं, सचिवमा प्रफुल्ल मिश्र, सहसचिवमा विनोद ढुंगेल, कोषाध्यक्षमा श्रवण साह र सह–कोषाध्यक्षमा मानिक चन्द चयन भएका छन्।
त्यसैगरी सदस्यहरूमा कुलदिप दास (प्रचार–प्रसार विभाग), आरती सेन्चुरी (महिला विभाग प्रमुख), राजु श्रीवास्तव (प्रवक्ता), सरिता सापकोटा, प्रभु प्रसाद यादव, रामनाच राम, सन्तोष कर्ण, एस.एम. जगाहस्त ‘गुड्डु’, अस्मिता परियार र अनिल यादव चयन भएका छन्।
कार्यक्रममा राष्ट्रिय लोक तथा दोहोरी गीत प्रतिष्ठान सर्लाहीका जिल्ला अध्यक्ष महेन्द्र महतो, उद्योग वाणिज्य संघ लालबन्दी सर्लाहीका अध्यक्ष महेश महतो, प्रतिष्ठानका उपाध्यक्ष सन्तोष कर्ण, सहसचिव मदन नेपाललगायत विभिन्न क्षेत्रका विशिष्ट व्यक्तित्वहरूको उपस्थिति रहेको थियो। कार्यक्रमको सञ्चालन नारायणी विश्वकर्मा (आरती विश्वकर्मा)ले गरेकी थिइन्।
Discussion about this post