२१ कार्तिक काठमाडौं — विश्वकप छनोट प्रतियोगितामा उल्लेखनीय सफलता हासिल गर्दै र वेस्ट इन्डिजमाथि ऐतिहासिक जित दर्ता गरेको नेपाली राष्ट्रिय क्रिकेट टोली शुक्रबार लामो भ्रमणपछि स्वदेश फर्किएको छ।
त्रिभुवन अन्तर्राष्ट्रिय विमानस्थलमा टोलीलाई स्वागत गर्न ठूलो संख्यामा समर्थक, क्रिकेट संघ (क्यान) का पदाधिकारी र सञ्चारकर्मी उपस्थित थिए। खेलाडीहरूलाई फूलमाला र तालीका साथ स्वागत गरिएको थियो।
विश्वकप छनोट अन्तर्गत उत्कृष्ट प्रदर्शन गर्दै नेपालको क्रिकेट इतिहासमा नयाँ अध्याय लेखिएको हो। वेस्ट इन्डिजमाथिको जितलाई नेपाली क्रिकेटको ‘गोल्डेन मोमेन्ट’ का रूपमा लिइएको छ।
टोलीका कप्तान रोहित पौडेलले फर्किएपछि भने, “यो जित केवल खेलाडीहरूको होइन, सम्पूर्ण नेपालीहरूको हो। हामीलाई निरन्तर साथ र विश्वास दिएकोमा सबैलाई धन्यवाद।”
क्यानले टोलीको प्रदर्शनको उच्च प्रशंसा गर्दै निकट भविष्यमा सम्मान कार्यक्रम आयोजना गर्ने तयारी गरेको जनाएको छ।
Discussion about this post