राष्ट्रिय विपद् जोखिम न्यूनीकरण तथा व्यवस्थापन प्राधिकरणले आगामी तीन दिन देशका विभिन्न भागमा ठूलाे वर्षा, हिमपात र तीव्र हावाहुरीको सम्भावना रहेको भन्दै सर्वसाधारणलाई उच्च सतर्कता अपनाउन आग्रह गरेको छ।
प्राधिकरणका अनुसार भोलि कर्णाली र सुदूरपश्चिम प्रदेशका पहाडी तथा हिमाली क्षेत्रमा वर्षा र हिमपात हुने सम्भावना छ। हिमाली क्षेत्रमा चिसो बढ्ने र जनजीवन प्रभावित हुने भएकाले बासिन्दालाई सचेत रहन भनिएको छ।
लुम्बिनी प्रदेशका दाङ, नेपालगञ्ज लगायत तराईका जिल्ला र पर्सि पूर्वी क्षेत्रमा विराटनगर, धनकुटा र धरान आसपासका ठाउँमा ११९ किलोमिटर प्रतिघण्टाको गतिमा हावाहुरी चल्ने जोखिम रहेको छ। हावाहुरीले रुख ढाल्ने, छाना उडाउने र विद्युत् तथा सञ्चार सेवामा असर पुर्याउने सम्भावना रहेको प्राधिकरणले जनाएको छ।
सतर्कताका लागि प्राधिकरणले सुझाव दिएको छ– अनावश्यक बाहिरी गतिविधि नगर्न, सुरक्षित ठाउँमा आश्रय लिन, घरका झ्याल–ढोका बन्द राख्न, आगोका स्रोत बन्द गर्न, गाडी सुरक्षित ठाउँमा रोकेर बस्न, कमजोर संरचना, अग्ला रुख तथा बिजुली/टेलिफोन खम्बा मुनी नबस्न र विद्युतीय उपकरण प्रयोग नगर्न।
प्राधिकरणले जल तथा मौसम विज्ञान विभागको पूर्वानुमान र आफ्नो आधिकारिक सूचनाहरू नियमित रूपमा जाँच गर्न सर्वसाधारणसँग अनुरोध गरेको छ।
Discussion about this post