नेपाल आयल निगम ले पेट्रोलियम पदार्थको मूल्य बढाएको छ। निगमले आजदेखि लागू हुने गरी पेट्रोलमा प्रतिलिटर १५ रुपैयाँ तथा डिजेल र मट्टीतेलमा प्रतिलिटर १० रुपैयाँ वृद्धि गरेको जनाएको छ।
नयाँ दरअनुसार पहिलो वर्गअन्तर्गत पर्ने चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा पेट्रोल प्रतिलिटर १६९ रुपैयाँ ५० पैसा तथा डिजेल/मट्टीतेल प्रतिलिटर १४९ रुपैयाँ ५० पैसा कायम गरिएको छ।
यस्तै दोस्रो वर्गमा पर्ने दाङ र सुर्खेतमा पेट्रोल १७१ रुपैयाँ तथा डिजेल/मट्टीतेल १५१ रुपैयाँ पुगेको छ भने तेस्रो वर्गअन्तर्गत काठमाडौँ, पोखरा र दिपायलमा पेट्रोल १७२ रुपैयाँ र डिजेल/मट्टीतेल १५२ रुपैयाँ प्रतिलिटर निर्धारण गरिएको छ।
निगमका अनुसार अमेरिका–इजरायल–इरानबीचको बढ्दो तनावका कारण अन्तर्राष्ट्रिय बजारमा इन्धनको मूल्य बढेकाले त्यसको असर नेपालमा परेको हो। भारतबाट उच्च दरमा मूल्य समायोजन भएर आए पनि उपभोक्तामाथि कम भार पर्ने गरी मूल्य स्थिरीकरण कोष र विगतको नाफाबाट केही भार निगमले नै व्यहोरेको जनाएको छ।
Discussion about this post