भेनेजुएलाका गृहमन्त्री डियोसडाडो काबेयोले अमेरिकी सैन्य आक्रमणका क्रममा करिब १ सय जनाको ज्यान गएको दाबी गर्नुभएको छ । राजधानी काराकसमा राज्य टेलिभिजनमार्फत सम्बोधन गर्दै उहाँले गत शनिबार भएको कारबाहीले ठूलो मानवीय क्षति पुर्यााएको बताएका हुन् ।
आक्रमणपछि राष्ट्रपति निकोलस मदुरोलाई अमेरिकी सेनाले पक्राउ गरेको बताइएको छ । यसअघि सरकारले मृतकको आधिकारिक संख्या सार्वजनिक नगरे पनि सेनाका २३ सैनिकको मृत्यु भएको विवरण सार्वजनिक गरिएको थियो । अधिकारीहरूका अनुसार राष्ट्रपति मदुरोको सुरक्षा टोलीका सदस्यहरू बढी प्रभावित भएका छन्।
यसैबीच, क्यूबाले भेनेजुएलामा कार्यरत आफ्ना केही सैन्य तथा गुप्तचर सदस्यहरू पनि मारिएको जनाएको छ । आक्रमणमा राष्ट्रपति मदुरो र उनकी पत्नी सिलिया फ्लोरेस घाइते भएको गृहमन्त्री काबेयोले जानकारी दिए ।
घटनापछि भेनेजुएला सरकारले एक हप्ताको राष्ट्रिय शोक घोषणा गरेको छ । आक्रमणपछि देशमा राजनीतिक अस्थिरता बढेको छ भने अन्तर्राष्ट्रिय स्तरमा समेत चासो र विवाद चुलिएको छ ।
Discussion about this post