वीरगंज , ७ वैशाख –
सशस्त्र प्रहरी बल नेपाल नं. १३ गण मुख्यालय, वीरगञ्जमा १९ औँ स्थापना दिवस तथा वार्षिक उत्सव विशेष कार्यक्रमका साथ सम्पन्न भएको छ।
कार्यक्रम मधेश प्रदेश प्रमुख कृष्ण ढकालको प्रमुख आतिथ्यतामा सम्पन्न भएको हो भने गणपति मोहन बहादुर क्षेत्रीले अध्यक्षता गरेका थिए। कार्यक्रममा प्रमुख जिल्ला अधिकारी भोला दाहाल, प्रहरी उपरीक्षक सुदीप पाठकसहित सुरक्षा निकायका अधिकारी तथा विशिष्ट व्यक्तिहरूको उपस्थिति रहेको थियो।
समारोहमा सशस्त्र प्रहरी बलले स्थापना कालदेखि हालसम्म सीमा सुरक्षा, विपद् व्यवस्थापन तथा शान्ति सुरक्षामा पुर्याउँदै आएको योगदानबारे चर्चा गरिएको थियो। उत्कृष्ट कार्य गर्ने सुरक्षाकर्मीहरूलाई सम्मान तथा पुरस्कार वितरण पनि गरिएको छ।
कार्यक्रममा परेड प्रदर्शन, सांस्कृतिक प्रस्तुति तथा विविध कार्यक्रम प्रस्तुत गरिएको थियो। सहभागीहरूले संगठनप्रति समर्पण र राष्ट्रसेवाको भावनालाई अझ मजबुत बनाउने प्रतिबद्धता जनाएका थिए।
Discussion about this post