मधेस प्रदेश प्रहरी कार्यालयले पछिल्ला छ महिनामा प्रदेशमा २ हजार ५७२ जना व्यक्ति सम्पर्कविहीन भएका तथ्यांक सार्वजनिक गरेको छ। प्रवक्ता कमल थापाका अनुसार पुस महिनामा मात्रै १ हजार ४४८ जना सम्पर्कविहीन थिए। तीमध्ये १ हजार ५०१ जनालाई भेटिएको छ भने बाँकी अझै सम्पर्कविहीन रहेका छन्।
जेन्जी आन्दोलनका क्रममा मधेस प्रदेशमा चारजनाको मृत्यु भएको छ भने २३४ सरकारी कार्यालयमा क्षति पुगेको छ। क्षतिको कुल मूल्य ५७ करोड ३५ लाख ५२ हजार रुपैयाँ बराबर रहेको छ। आन्दोलनका क्रममा प्रहरीका सवारी साधनमा पनि २ करोड ६ लाख ७८ हजार रुपैयाँ बराबरको क्षति भएको छ।
त्यस्तै, कारागारबाट १,०४५ जना कैदीबन्दी फरार भएका थिए। उनीहरूमध्ये ५७९ जनालाई पक्राउ गरिएको छ भने बाँकी फरार छन्। बाल सुधार गृहबाट ६८ जना फरार भएका थिए, जसमा २० जना पक्राउ परिसकेका छन् र ४८ जना अझै फरार रहेका छन्।
प्रहरीका अनुसार सम्पर्कविहीन व्यक्तिको खोजी र जेन्जी आन्दोलनका क्षतिको मूल्याङ्कन कार्य जारी रहेको छ।
Discussion about this post