वीरगंज , २५ पुस –
रौतहटको चन्द्रनिगाहपुरस्थित नेपाल–भारत सीमा संयुक्त समितिको बैठकले आगामी फागुन २१ गते हुन लागेको प्रतिनिधि सभा सदस्य निर्वाचनका लागि सीमा ७२ घण्टा बन्द गर्ने निर्णय गरेको छ ।
बैठकमा महोत्तरी, सर्लाही र रौतहटका सुरक्षा अधिकारी तथा भारतको सीतामढीका सुरक्षा अधिकारीहरूले निर्वाचनको सुरक्षा व्यवस्थाबारे छलफल गरेका थिए । प्रमुख जिल्ला अधिकारी रामुराज कडरियाले निर्वाचन निष्पक्ष, शान्तिपूर्ण र भयरहित हुनेगरी सीमा बन्द गरिएको जानकारी दिए ।
सशस्त्र प्रहरी उपरीक्षक देवबहादुर चन्दका अनुसार बैठकमा सीमा अपराध, लागुऔषध नियन्त्रण, भन्सार छली नियन्त्रण र सूचना आदानप्रदान जस्ता विषयमा पनि छलफल भएको थियो। नेपालका सुरक्षा अधिकारी र भारतका सीमा अधिकारीहरूले ७२ घण्टा अति आवश्यकबाहेक आवागमन पूर्णरूपमा रोक्ने प्रतिबद्धता व्यक्त गरेका छन् ।
यस्ता संयुक्त बैठकहरू बेलाबेलामा नेपाल–भारत सीमा क्षेत्रमा सुरक्षा समन्वय र शान्ति व्यवस्था सुनिश्चित गर्न आयोजना गरिने गरिएको छ ।
Discussion about this post